Rəqqasə Fatimə Fətəliyevanın qəza keçirən köməkçisi Aytac Bayramzadənin səhhəti yaxşılaşıb.
BAKU.WS xəbər verir ki, artıq o, xəstəxanadan evə buraxılıb. Bu barədə Fatimə özü bildirib. O, sosial şəbəkə hesabında Aytacla yeni fotosunu paylaşaraq onun səhhətinin yaxşı olduğunu deyib:
"Şükür Allaha... Allah dualarımızı qəbul etdi. Əfsanə qayıtdı".
Xatırladaq ki, Aytac Bayramzadə martın 16-da Kratos restoranından çıxaraq əks tərəfə keçmək istəyərkən onu minik avtomobili vurub.
1991-ci il təvəllüdlü Bayramzadə yaralı vəziyyətdə xəstəxanaya çatdırılıb. Hadisə Azadlıq prospektində qeydə alınıb.
BAKU.WS