Hamiləlikdə zəhərlənmənin riskləri – Ginekoloq Xanım Adıgözəlova

Hamiləlikdə zəhərlənmə hamilənin öz sağlamlığına və hamiləlik prosesinə mənfi təsir göstərə bilən müxtəlif toksinlərin və ya zərərli maddələrin qəbulu nəticəsində baş verən bir vəziyyətdir. Bu, ana və körpənin sağlamlığını təhdid edə biləcək vacib bir məsələdir və diqqətlə müalicə edilməlidir.

Bu yazımızda mütəxəssis rəyinə və araşdırmalara əsasən hamiləlikdə zəhərlənmənin risk faktorlarından, simptomlarından və diaqnoz əsasında təyin edilən müdaxilə yollarından danışacayıq.

Hamiləlikdə zəhərlənmənin riski nələrdir?

Qeyd etdiyimiz kimi, hamiləlik dövründə zəhərlənmə ana və körpənin sağlamlığını təhdid edən ciddi bir vəziyyətdir. Həkim mama-ginekoloq Xanım Adıgözəlova öz yazılarında qeyd edir ki, hamiləlikdə zəhərlənmə yüksək qan təzyiqi, böyrək problemləri, qaraciyərin zədələnməsi və qanaxma kimi ağırlaşmalara səbəb ola bilər. Belə ki, zəhərlənmə zamanı körpənin inkişafı və sağlamlığı təhlükə altına düşə, vaxtından əvvəl doğuş riski arta və doğuş zamanı problemlər yarana bilər. Hamiləlik zamanı zəhərlənmənin erkən diaqnozu və müalicəsi həyati əhəmiyyət kəsb edir. Buna görə də, müntəzəm müayinələr və sağlam həyat vərdişləri riskləri minimuma endirməyə kömək edir.

Hansı hallarda hamiləlikdə zəhərlənmə ehtimalı var?

Hamiləlik dövründə zəhərlənmənin səbəbləri olduqca müxtəlifdir. Həkim mama-ginekoloq Xanım Adıgözəlova bildirir ki, qida zəhərlənməsi hamiləlik zamanı zəhərlənmənin ümumi səbəblərindən biridir. Çiy və ya az bişmiş ət, dəniz məhsulları və çiy süd məhsullarının istehlakı bakterial infeksiyalara səbəb ola bilər ki bu da ciddi problemlərlə nəticələnir. Bundan əlavə, pestisidlər, ağır metallar və kimyəvi maddələr kimi ətraf mühit faktorları hamiləlik zamanı zəhərlənmə riskini artırır.

Risk qrupuna isə xüsusən də xroniki xəstəlikləri olan hamilələr, zəhərli maddələrə məruz qalacağı yerdə və ya kimyəvi maddələrlə işləyən hamilələr daxildir. Siqaret, alkoqol və narkotik kimi zərərli vərdişlər də ana və körpə sağlamlığına ciddi təsir göstərir.

Hamiləlikdə zəhərlənməni anlamaq: diaqnostika və müalicə üsulları

Sözügedən zəhərlənmə hamilənin bədənində yaranan toksinlər və zərərli maddələr səbəbindən baş verir və ciddi ağırlaşmalara səbəb ola bilər.

Ona görə də hamiləlik zamanı zəhərlənmələrin diaqnoz və müalicə üsulları ana və körpənin sağlamlığının qorunması baxımından son dərəcə əhəmiyyətlidir.

Diaqnoz hamiləlik dövründə müntəzəm sağlamlıq yoxlamaları və tibbi müayinələrlə qoyulur. Həkim qan təzyiqinin ölçülməsi, sidik testləri və digər laboratoriya testləri vasitəsilə hamiləlik zamanı zəhərlənmə əlamətlərini aşkar edə bilər. Bu halın simptomları isə yüksək qan təzyiqi, şişkinlik, sidikdə protein və qaraciyər fermentlərinin artması hesab olunur.

Həkim mama-ginekoloq Xanım Adıgözəlova qeyd edir ki, diaqnoz qoyulan kimi müalicəyə başlamaq lazımdır. Erkən diaqnoz və müdaxilə ana və körpə sağlamlığının qorunması üçün vacibdir. Həkimlər hamiləlik zamanı zəhərlənmənin şiddətindən, ana və körpənin sağlamlıq vəziyyətindən, hamiləliyin gedişindən asılı olaraq müvafiq müalicə üsulları təyin edilir. Yataq istirahəti, dərman preparatları, maye əlavələri, qidanın tənzimlənməsi və qan təzyiqinə nəzarət müalicə üsulları arasındadır.

Ağır hallarda isə ginekoloq erkən doğuş yolunu təklif edə bilər. Bu qərarın əsas səbəbi ana bətnindən kənarda körpə üçün daha təhlükəsiz bir mühit təminatıdır.

Nəticə etibarı ilə hamiləlik zamanı zəhərlənmələrin diaqnostikası və müalicəsi ana və körpə sağlamlığının qorunmasında mühüm əhəmiyyət kəsb edir. Müntəzəm müayinələr və həkimin tövsiyələrinə uyğunluq bu vəziyyətin erkən aşkarlanmasına və effektiv müalicə olunmasına kömək edəcəkdir. Bu səbəbdən hamiləlik dövründə qidalanma ilə yanaşı ginekoloji müayinələrin intensivliyinə də diqqət etmək olduqca önəmlidir.