Neta Auto satış mərkəzinin açılış tədbiri baş tutub - FOTO
![Neta Auto satış mərkəzinin açılış tədbiri baş tutub - FOTO](https://baku.ws/storage/photos/thumbs/large/1721291099_photo_5242269170207417007_y-1.webp)
Azərbaycanın avtomobil sektorunda qabaqcıl şirkətlərdən olan Group Motors Neta avtomobillərinin satış mərkəzinin möhtəşəm açılışını elan etdi. Bu yeni satış mərkəzi, ən son elektrik avtomobil texnologiyalarını və innovativ dizaynları təqdim edərək, ölkəmizdə elektrik avtomobilləri sahəsində yeni bir səhifə açır.
Yeni satış mərkəzinin açılış mərasimi Babək prospekti 29 ünvanında keçirilib və bu tədbirdə tanınmış şəxslər, Neta Auto-nun qlobal nümayəndəliyi və media nümayəndələri iştirak ediblər. Axşam tədbirin aparıcısının səmimi qarşılaması ilə başladı və bütün gecə boyu həyəcan dolu anlar yaşandı.
2006-ci ildə təsis edilmiş Group Motor Azərbaycanın avtomobil sənayesində nüfuzlu şirkətlərdəndir. Şirkət Subaru, Ford, Mitsubishi, Honda, Mazda və Toyota kimi tanınmış markaları təmsil edir. Neta Auto Group Motors-un portfelinə daxil olan ilk Çin brendi olaraq şirkətdə innovasiya və texnologiyada yeni bir səhifə açır.
Tədbirin ilk çıxışı Group Motors-un marketinq meneceri Aşur Cəbiyev tərəfindən oldu. O, Group Motors-un inkişaf yolunu və Neta Auto ilə əməkdaşlığın strateji əhəmiyyətini vurğuladı. Daha sonra, Neta Auto-nun qlobal nümayəndəsi şirkətin vizyonunu və texnoloji üstünlüklərini izah etdi.
Rəsmi açılış mərasimində elektrik avtomobilin şarj cihazları birləşdirilərək salonun açılışı elan edildi və bu, Azərbaycanın elektrik mobilliyində yeni bir dövrün başlanğıcını simvollaşdırdı. Qonaqlar tanınmış müğənninin ifası ilə gecənin zövqünü çıxardılar.
Gecənin əsas məqamı Neta U və Neta V modellərinin təqdimatı oldu. Bu iki model, artıq Azərbaycanda mövcuddur və avtomobillər əlçatan qiymət, üstün texnologiya və sərfəli kredit şərtləri ilə fərqlənir. İştirakçılar bu modelləri yaxından tanımaq və onların üstünlüklərini görmək imkanı əldə etdilər. Neta V elektrikli avtomobili ilkin ödəniş olaraq 8,550₼, aylıq 510₼ ödəniş və tam qiymət olaraq 29,900₼ ilə təqdim edilir. Neta U elektrikli avtomobili isə ilkin ödəniş olaraq 12,000₼, aylıq 730₼ ödəniş və tam qiymət olaraq 42,900₼ ilə təklif olunur.
Group Motors şirkətinin təmsilçisi Aşur Cəbiyev çıxışında Neta S, Neta L və Neta GT modellərinin yaxın aylarda Azərbaycan bazarına təqdim ediləcəyini elan etdi. Bu modellər, qabaqcıl texnologiya və müasir dizaynı birləşdirərək, bənzərsiz sürüş təcrübəsi təqdim edəcək. Məlumat üçün qeyd edildi ki, Neta L və S modelləri Extended Range texnologiyası ilə təchiz edildiyi üçün tək şarjla 1000km-dən artıq məsafə qət edir.
Axşam DJ musiqisi ilə davam etdi, bu da qonaqlara canlı və dinamik bir atmosfer yaratdı. Eyni zamanda, lotereya çəkilişi tədbirə əlavə həyəcan qatdı və qaliblər qiymətli hədiyyələr qazandılar.
Neta satış mərkəzinin açılışı Group Motors-un mükəmməlliyə və innovasiyaya olan sadiqliyini bir daha sübut etdi. Neta Auto ilə əməkdaşlıq Group Motors-un Azərbaycanın elektrik mobilliyində lider olmasına imkan verəcək və müştərilərinə ən son avtomobil texnologiyalarını təqdim edəcək.
Ətraflı məlumat üçün Neta Auto-nun veb-saytına keçid edə və ya *5665 nömrəsinə zəng edə bilərsiniz.
Group Motors haqqında
Group Motors şirkəti 2006-ci ildən bəri Azərbaycanın avtomobil sənayesində liderlərdən biridir. Şirkət, yüksək keyfiyyətə və müştəri məmnuniyyətinə önəm verərək, dünyanın ən tanınmış avtomobil markalarını ölkəmizdə təmsil edir. Şirkət dəfələrlə qlobal mükafatlar qazanmışdır. Bunlara nümunə olaraq Toyota Absheron üçün 2019, 2021 və 2022-cü illərdə "Ichiban: Avropanın Ən Yaxşı Dileri" mükafatını qazanmışdır. Bundan əlavə, Mazda Motor Corporation tərəfindən 2020-ci ildə "Həcmin Artırılması" mükafatı ilə təltif edilmişdir. Bu mükafatlar, Group Motors-un müştərilərə göstərdiyi yüksək keyfiyyətli xidmətin və uğurlarının bir göstəricisidir.
Neta Auto haqqında
2014-cü ildə təsis edilmiş Neta Auto qabaqcıl elektrik avtomobil istehsalçısı olaraq, avtomobil sənayesində innovativ və texnloji xüsusiyyətləri ilə öz adını geniş yaymışdır. Şirkət 2020-ci ildə Neta U və Neta V modellərini bazara çıxararaq, SUV seqmentində də gücünü göstərmişdir. Neta Auto, bu modellərlə yalnız Çin bazarında deyil, eyni zamanda qlobal bazarda da böyük uğurlar əldə etmişdir. Belə ki, Neta Auto ümumi olaraq 420 000-dən artıq avtomobil satışına nail olmuşdur.
Əlaqə məlumatları:
Tel: 012 349 49 80 / *5665
Ünvan: Babək prospekti 29
Veb-sayt: www.netaauto.az
Qalereya
Oxşar xəbərlər
Wuling və JMC avtomobil brendləri artıq Azərbaycanda - FOTO
Çin avtomobil sənayesinin nəhənglərindən olan Wuling və JMC avtomobil brendlərinin ölkəmizdə rəsmi təqdimat mərasimi keçirilib. Mayın 30-da baş tutan mərasimdə...