Yunanıstanda meşə yanğınları - Alovlar Türk kəndlərinə çatıb, ölən var - FOTO

Yunanıstanın Aleksandrupoli bölgəsində meşə yanğınları 3 gündür davam edir.

Məlumata görə, yanğın türk kəndlərinin yerləşdiyi bəzi ərazilərə də çatıb.

BAKU.WS Türkiyə KİV-ə istinadən xəbər verir ki, ərazidə son 24 saat ərzində 13 yaşayış məntəqəsi boşaldılıb.

Yanğın əsasən türklərin yaşadığı Böyük Müsellim, Çepelli, Susurköy, Narlıköy və Kozlardərə kəndlərinə də keçib. Yaşayış məntəqələri boşaldılıb.

Kəndlərin birində evakuasiya əmrindən sonra heyvanlarını xilas etmək üçün axura qaçan bir nəfər ölüb. Rodop əyalətində yanğının söndürülməsi səylərinə 3 təyyarə də dəstək verir.

Aleksandrupoli şəhərində baş verən meşə yanğınını 3 gündür söndürmək mümkün olmayıb. Biri könüllü olmaqla 8 nəfər tənəffüs çatışmazlığı və yüngül xəsarətlərlə xəstəxanaya yerləşdirilib, 5 nəfər müalicə olunduqdan sonra evə buraxılıb.

Qalereya