Yaponiya Tayvan yaxınlığındakı adaya qoşun yeritdi

Yaponiya martın 16-da Tayvan və mübahisəli Senkaku adaları yaxınlığında yerləşən İşigaki adasına zenit və gəmi əleyhinə raket bölmələri də daxil olmaqla Quru Özünümüdafiə Qüvvələrindən 570-ə qədər əsgər yerləşdirib.

BAKU.WS xarici mətbuata istinadən xəbər verir ki, bu barədə "The Japan Times" qəzetinin məlumatında bildirilir.

Nəşrin məlumatına görə, ordu Çinin yaxınlıqdakı sularda hərbi əməliyyatlarının intensivləşməsinə cavab olaraq adaya yeridilib. Qeyd olunur ki, Çin gəmiləri dəfələrlə yaşayış olmayan adalar ətrafında Yaponiyanın ərazi sularına daxil olub.