WSJ: “Dəmir günbəz” İranın bəzi raketlərini buraxa bilər

İsrailin “Dəmir günbəz” raketdən müdafiə sistemi İran və onun müttəfiqlərinin koordinasiyalı hücumunun öhdəsindən tam gəlməyə bilər.

Bu barədə "The Wall Street Journal" (WSJ) nəşrinin məqaləsində deyilir.

Qeyd olunur ki, “Dəmir günbəz” qısa mənzilli raketlərin qarşısını almaq üçün dünyada ən yaxşı sistemlərdən biridir. Bununla belə, İran və Livanın "Hizbullah" qruplaşmasının daha çox imkanları var. Məqalə müəllifinin sözlərinə görə, Tehranın İsrailin raketdən müdafiə sisteminin vurmağa qadir olmadığı pilotsuz təyyarələr və ballistik raketləri mövcuddur.

Bundan əlavə, Livanın atılacaq on minlərlə raket sistemi yükləyə bilər.

Nəşrin məlumatına görə, hücumu dəf etmək üçün İsrail və ABŞ daha güclü hava hücumundan müdafiə sistemi yaradıblar ki, bu sistemə ABŞ, İsrail və digər ölkələrin Hərbi Hava Qüvvələri, eləcə də qonşu ölkələrin radar sistemləri daxildir.