Vladimir Putin bu şəxsi özünə yeni xüsusi nümayəndə təyin edib

Rusiya prezidenti Vladimir Putin ölkə başçısının dövlət sərhədinin Müstəqil Dövlətlər Birliyi ölkələri ilə delimitasiya və demarkasiyası üzrə xüsusi nümayəndəsi, Rusiya Xarici İşlər Nazirliyinin xüsusi tapşırıqlar üzrə səfiri vəzifəsinə təyinatla bağlı fərman imzalayıb.

“Report”un məlumatına görə, fərmanla Mixail Petrakov bu vəzifəyə təyin edilib.

Putinin digər fərmanı ilə Petrakov həmçinin Xəzər dənizi ilə bağlı çoxtərəfli danışıqlarda Rusiya nümayəndə heyətinin rəhbəri olacaq.

Bununla da İqor Bratçikov vəzifəsindən azad edilib. İqor Bratçikov Rusiyanın Slovakiyadakı səfiri təyin olunub.