Vətən müharibəsi qazisi müalicə almaq üçün 20 kilometr yol getməyə məcburdur - VİDEO

Vətən müharibəsi qazisi yarasını sarımaq üçün 20 kilometrlik məsafədə yerləşən xəstəxanaya getməyə məcburdur.

Söhbət Qubanın Hacıqayıb kənd sakini olan qazi Seyidbala Əliyevdən gedir. O, hazırda əsa ilə hərəkət etdiyini bildirib. Qazimiz sarğılarını dəyişmək və müalicə almaq üçün rayon mərkəzində yerləşən xəstəxanaya getmək məcburiyyətində olduğunu vurğulayıb.

Bu çətinliyi yaşayan tək S.Əliyev deyil. Qubanın bir sıra yerlərində qapılarında qıfıl olan, ot basmış, yararsız vəziyyətdə olan tibb məntəqələri var.

Sakinlər tibb məntəqələrinin işlək vəziyyətdə olmamasından və yaşanan problemlərdən danışıblar.

Daha ətraflı Baku TV-nin süjetində: