Ukrayna Silahlı Qüvvələri daha bir yaşayış məntəqəsini azad edib

Ukrayna Silahlı Qüvvələri daha bir yaşayış məntəqəsini Rusiya hərbçilərindən azad edib.

BAKU.WS-in məlumatına görə, bu barədə Ukrayna Silahlı Qüvvələrinin Baş Qərargahı feysbuk səhifəsində məlumat yayıb.

Bildirilib ki, Ukrayna ordusu Rusiya hərbçilərini Xerson vilayətinin Novovorontsovski rayonunun Osokorovka kəndindən çıxarıb. Kənd rayon mərkəzindən cənubda yerləşir və Dnepropetrovsk vilayəti ilə inzibati sərhədin yaxınlığında yerləşir.

Bu, Ukrayna ordusu bölmələrinin hücumu nəticəsində baş verib.

Müdafiə naziri Aleksey Reznikov deyib ki, müdafiəçilər Xerson vilayətində işğalçıları geri itələyiblər.