Ukrayna Şimali Koreya ilə diplomatik münasibətləri kəsdi

Ukrayna hakimiyyəti Şimali Koreya ilə diplomatik əlaqələri kəsmək qərarına gəlib. Buna səbəb qondarma “DXR” və “LXR”in tanınması olub.

BAKU.WS "Oxu.az"a istinadən xəbər verir ki, bu barədə Ukrayna Xarici İşlər Nazirliyinin bəyanatında deyilir.

Nazirlikdən bildirilib ki, Ukrayna KXDR-in qondarma respublikaları tanımasını Pxenyan tərəfindən ölkənin suverenliyinə xələl gətirmək cəhdi kimi qiymətləndirir.

Qeyd edək ki, Ukrayna ilə Şimali Koreya arasında diplomatik münasibətlər hələ 1992-ci ildə qurulub.