Ukrayna ordusundan Rusiyaya kütləvi hücum: 117 PUA vuruldu - VİDEO

Ukrayna ordusu Rusiya ərazisinə son ayların ən kütləvi hücumunu reallaşdırıb.

Bu barədə Rusiya Müdafiə nazirliyi məlumat yayıb.

Belə ki, Rusiya RƏM sistemləri dörd “Toçka-U” taktiki raketi və 117 təyyarə tipli pilotsuz uçuş aparatını vurub.

Kursk vilayətinin ərazisində 37 PUA və 4 raket, Voronej vilayəti üzərində 37 PUA yerə salınıb. Bundan əlavə Belqorod üzərində 17, Nijni Novqorod (videoda) üzərində 11, Volqoqrad üzərində 9, Bryansk üzərində 3, Orlovsk üzərində 2 və Rostov vilayəti üzərində isə 1 dron hədəfə çevrilib..