Ukrayna hərbçiləri 4 yaşayış məntəqəsini azad edib

Ukrayna Silahlı Qüvvələri Nikolayevsk və Xerson vilayətlərinin inzibati sərhədləri yaxınlığındakı 4 yaşayış məntəqəsini Rusiya hərbçilərindən azad edib.

BAKU.WS-in UNIAN-a istinadla məlumatına görə, bu barədə Ukraynanın “Cənub” Əməliyyat Komandanlığının feysbuk səhifəsində bildirilib.

Qeyd edilib ki, ötən sutkada Rusiya bu istiqamətdə 47 canlı qüvvə, 2 zenit-raket kompleksi, 8 avtomobil texnikası, 2 PUA, bir radiolokasiya stansiyası, bir dezel-generatoru itirib.

Həmçinin, Ukrayna Silahlı Qüvvələri bu ərazidə Rusiyanın 7 anbarını, sursat və yanacaq-sürkü materialları aparan karvanını məhv edib.