Türkiyədə ağır yol qəzası: 2 nəfər ölüb, 30 nəfər yaralanıb - VİDEO

İyunun 9-da səhər saatlarında Türkiyənin Van-Bitlis yolunda, Küskunkuran tuneli yaxınlığında yük avtomobili və avtobusun toqquşması nəticəsində azı iki nəfər həyatını itirib, 30 nəfər yaralanıb.

Bu barədə İHA məlumat yayıb.

Hadisə Van-Bitlis avtomobil yolunun Küskunkuran tuneli yaxınlığında baş verib. Naməlum səbəbdən sərnişin avtobusu ilə yük maşını toqquşub.

Qəzada həyatını itirənlərdən biri avtobus sürücüsü, digəri isə sərnişindir. Yaralanan 30 nəfərdən dördünün vəziyyəti ağırdır.

Hadisə ilə bağlı araşdırma aparılır.