Braziliyada turistləri daşıyan avtobus qəza törətdi - 25 ölü - VİDEO

Braziliyanın Bahia ştatında əks istiqamətdən gələn turist avtobusu və yük maşını toqquşub.

BAKU.WS xarici KİV-ə istinadən xəbər verir ki, dəhşətli qəzada 25 nəfər həyatını itirib, 5 nəfər yaralanıb.

Bildirilib ki, Bahia ştatının Quarajuba şəhərindən yola düşən turist avtobusu BR 324 şosesində əks istiqamətdən gələn yük maşını ilə toqquşub.

Bahia Qubernatorluğundan verilən açıqlamada qəzada ölənlərin əksəriyyətinin turist olduğu və hadisə ilə bağlı böyük kədər hiss etdikləri qeyd olunub.

Qəzanın səbəbləri ilə bağlı araşdırmalara başlanılıb.