İtaliyanın Lombardiya regionunun prezidenti koronavirusa görə karantinə alındı - VİDEO

İtaliyanın Lombardiya regionunun prezidenti Attilio Fontana koronavirusla bağlı iki həftə karantində qalacaq. Səbəb onun köməkçisinin ölümcül virus “COVID-19”a yoluxmasıdır.

BAKU.WS ria.ru-ya istinadən xəbər verir ki, bu barədə A.Fontana ictimaiyyətə açıqlama verib:

“Təəssüf ki, onun analizlərinin cavabı pozitiv çıxdı. Buna görə də eyni komandada olan mən və bütün komandam testdən keçdik. Nəticələr bəlli olub. Yaxşı xəbər budur ki, mən və komandanın digər üzvləri hələ heç bir infeksiyaya yoluxmamışıq”.

Qeyd edək ki, İtaliyada 453 yoluxma halı müəyyən edilib, 12 nəfər ölüb.