İstanbulda yaşamaq neçəyə başa gəlir?

İstanbul Böyükşəhər Bələdiyyəsinə (İBB) bağlı İstanbul Planlaşdırma Agentliyi (İPA) İstanbulda ən azı 4 nəfərlik bir ailənin yaşayış xərclərini açıqlayıb.

BAKU.WS bu barədə "Aydınlık" nəşrinə istinadən xəbər verir.

Araşdırmaya görə, İstanbulda yaşayış xərcləri keçən ilin eyni ayı ilə müqayisədə yüzdə 81 artıb.

İstanbulda dörd nəfərlik bir ailənin orta yaşayış dəyəri 55 min 321 lirə (2964 manat) olaraq hesablanıb.

İstanbulda yaşayış minimumu əvvəlki ayla müqayisədə 4,26 faiz artıb. İstanbulda yaşayış minimumu keçən ayla müqayisədə 2263 lirə (121 manat) artıb.