“SpaceX” ekipaj komandiri Ukrayna ordusuna özü yardım apardı

“SpaceX Inspiration4” ekipaj komandiri, amerikalı iş adamı və astronavt Cared Ayzekman şəxsən ABŞ-dan Ukrayna ordusu üçün yardım aparıb.

BAKU.WS "Oxu.az"a istinadən xəbər verir ki, bu barədə Ukraynanın Polşadakı səfirliyinin müşaviri Oleq Kuts “Facebook” hesabında məlumat verib:

“Cared şəxsən dəstəyini ifadə etmək üçün Ukraynaya uçub və həmçinin ilk “ləzzət” partiyasını gətirib”.

O qeyd edib ki, astronavt şəxsən uçub ki, cəbhə xəttində olan Ukrayna əsgərləri ən zəruri əşyaları tez bir zamanda əldə edə bilsinlər.

Kuts alınan yardımın təfərrüatı barədə sonra danışacağına söz verib.