"Santa Barbara" serialının aktyoru vəfat etdi

"Santa Barbara" serialında Buts rolu ilə məşhur olan ABŞ aktyoru Nik Benedikt vəfat edib.

BAKU.WS xarici mətbuata istinadən xəbər verir ki, aktyor 77 yaşında dünyasını dəyişib.

Məlumatı onun həyat yoldaşı Cincera təsdiqləyib.

Qeyd olunur ki, aktyorun səhhəti onurğa əməliyyatından sonra kəskin pisləşib.

İyulun 4-də iflic olan Benedikt xəstəxanaya yerləşdirilib və doğum günündə vəfat edib.

Xatırladaq ki, Nik Benedikt 14 iyul 1947-ci ildə Los-Ancelesdə anadan olub. O, 1955-ci ildə filmlərdə rol almağa başlayıb.