Şahin Mustafayev və iranlı nazir Araz dəhlizində olublar

Azərbaycan baş nazirinin müavini Şahin Mustafayev, İranın yol və şəhərsalma naziri Fərzanə Sadeq və Şərqi Azərbaycan əyalətinin başçısı Bəhram Sərməst Araz dəhlizinin Nənəmvay keçidinə baxış keçiriblər.

Bu barədə "Azad İran" "Telegram" kanalı məlumat yayıb.

Əraziyə səfər çərçivəsində jurnalistlərə müsahibə verən Fərzanə Sadeq bildirib ki, Culfa şəhərindən başlayan və Nənəmvay tunelinə qədər uzanaraq Siyəhrud şəhərindən keçən bütün marşrut boyu tikinti işləri gedir:

"Araz dəhlizi böyük əhəmiyyət kəsb edir və bu tunelin illərdir tamamlanması gözlənilir".