Şahin Mustafayev Rusiya hökümətinin sədr müavini ilə ikitərəfli məsələləri müzakirə edib

Azərbaycan Baş nazirinin müavini Şahin Mustafayev Rusiya hökümətinin sədr müavini Marat Xusnullinlə görüşüb.

BAKU.WS APA-ya istinadən xəbər verir ki, işgüzar görüş Kazan Beynəlxalq İqtisadi Forumu çərçivəsində baş tutub.

Görüşdə Azərbaycan-Rusiya ikitərəfli iqtisadi münasibətləri və qarşılıqlı maraq doğuran ikitərəfli məsələlər müzakirə olunub.

Görüşdən sonra Azərbaycan və Rusiya baş nazirinin müavinləri Kazanforum 2026-nın plenar iclasında spiker kimi iştirak ediblər. Şahin Mustafayev Azərbaycanın beynəlxalq nəqliyyat dəhlizlərində iştirakı barədə çıxış edib.

Qeyd edək ki, Şahin Mustafayev bu gün Kazan forumu çərçivəsində Rusiya Baş nazirinin müavini Aleksey Overçukla da görüş keçirib.