Rüstəm Usubov işdən çıxarılmasından DANIŞDI - “Bundan sonra nə olacaqsa, bilmirəm”

“Ortada Prezident sərəncamı varsa, buna hansı şərh vermək olar? Artıq Baş Prokurorun birinci müavini deyiləm”.

BAKU.WS xəbər verir ki, bu sözləri Gununsesi.org-un sorğusuna cavab olaraq dünən Baş Prokurorun birinci müavini vəzifəsindən azad olunan Rüstəm Usubov söyləyib.

Bundan sonra fəaliyyətinin nədən ibarət olacağına gəlincə Rüstəm Usubov hələlik bir şey bilmədiyini deyib:

“Bundan sonra nə olacaqsa, onu bilmirəm”.

“Mediada dəyəri yüz milyonlarla ölçülən əmlaklarınız açıqlandı, bunu haradan qazanmısınız” sualına isə baş prokurorun sabiq müavini telefonun dəstəyini asmaqla cavab verərək yayınıb.