Rusiya ötən gün Ukraynanın 7 PUA-sını vurub

Rusiya qırıcıları ötən sutka ərzində Nikolayev vilayətində Ukraynaya məxsus Su-25 hücum təyyarəsini vurub.

BAKU.WS APA-ya istinadən bildirir ki, bu barədə Rusiya Müdafiə Nazirliyinin rəsmi nümayəndəsi İqor Konaşenkov bu gün keçirdiyi brifinqdə bildirib.

"Ötən sutka ərzində Rusiya qırıcı aviasiyası Ukrayna Hərbi Hava Qüvvələrinə məxsus bir Su-25 təyyarəsini Nikolayev vilayətinin Lyubomirovka kəndi yaxınlığında vurub", - deyə Rusiya MN sözçüsü qeyd edib.

Konaşenkov ötən gün ərzində Rusiya hava hücumundan müdafiə sistemlərinin Ukraynaya məxsus 7 pilotsuz uçuş aparatını (PUA) vurduğunu da söyləyib.