Rus alimləri Antarktidada qarpız yetişdirdilər

Rus alimləri dünyanın ən soyuq yeri kimi tanınan Antarktidada qarpız yetişdirməyi bacardıqlarını açıqlayıblar.

BAKU.WS xəbər verir ki, elm adamları sözügedən layihəyə 2020-ci ilin fevralında başlayıblar.

Onlar Antarktidadakı Vostok stansiyasında qarpız yetişdirməyə nail olublar. Rus dilində "Bitkilər" mənasını verən "Rastenia" adlanan layihə alimlərin qarpız yetişdirməsi üçün 103 gün çəkib.

Məlumata görə, stansiyada yaradılan xüsusi istixanada havanın temperaturu və rütubəti kimi şəraitin təmin edildiyi bildirilib və rus alimləri 103 gündə 8 ədəd şirin qarpız yetişdirib.