RLDP lideri: İlham Əliyev və Azərbaycan xalqı Heydər Əliyevin əsas vəsiyyətini yerinə yetirdi

Azərbaycan Prezidenti İlham Əliyev və bütün Azərbaycan xalqı Ümummilli Lider Heydər Əliyevin əsas vəsiyyətini yerinə yetirdi.

BAKU.WS report-a istinadən xəbər verir ki, bunu Rusiya Liberal Demokrat Partiyasının (RLDP) rəhbəri Leonid Slutski Moskvada Heydər Əliyevin xatirəsinə həsr olunmuş tədbirdə bildirib.

"Bu gün Qarabağ evə qayıtdı və mən Azərbaycanda, Rusiyada və digər ölkələrdə bizimlə birlikdə Azərbaycanı ürəyində yaşadan hər kəslə birlikdə xoşbəxtəm. Qarabağ Azərbaycandır. İlham Əliyev Heydər Əliyevin işini layiqincə davam etdirir. Azərbaycan bu gün çiçəklənən iqtisadiyyata malik, öz vətəndaşlarının qayğısına qalan nümunəvi dövlətdir", - o qeyd edib.

Öz növbəsində, Federasiya Şurasının Elm, təhsil və mədəniyyət komitəsi sədrinin birinci müavini İlyas Umaxanov qeyd edib ki, İlham Əliyev atası Heydər Əliyevin arzusunu yerinə yetirib və ölkə ərazilərini işğaldan azad edib.

"Heydər Əliyev böyük insan, vətənpərvər, müasir Azərbaycan dövlətinin qurucusu idi", - o vurğulayıb.