Qarabağ erməniləri Sarkisyana şərt qoydular: Ya torpaqları qaytar, ya da...

Dağlıq Qarabağda yaşayan ermənilər dilə gəldi. Daha doğrusu, çoxdan danışırdılar. Heç susmurdular da. Sadəcə, onların səsinə səs verən yox idi. İndi Qarabağ erməniləri cinayətkar rejim rəhbəri Serj Sarkisyanın qarşısına bir şərt qoyublar. Ya torpaqları qaytar, ya da müharibə olarsa, biz Azərbaycana keçəcəyik.

BAKU.WS TTV-yə (Region TV) istinadən xəbər verir ki, Ermənistanın Dağlıq Qarabağ münaqişəsi ilə bağlı bütün bəyanatlarına baxmayaraq Qarabağ erməniləri münaqişə zonasında hərbi əməliyyatların başlamasını istəmirlər. Onlar Azərbaycanın işğal olunan torpaqlarının azad edilməsini və Ermənistan silahlı qüvvələrinin bu ərazilərdən çıxarılmasını istəyirlər. 

Dağlıq Qarabağda son vaxtlar bu sözləri bir qədər fərqli formada tez-tez eşitmək olar. Ermənistanın müdafiə naziri Seyran Ohanyanın valideynlərə bir cavabı var. Artıq belə davam edə bilməz, qoy vəziyyət sakitləşsin, görək nə olur. Övladlarınızdan da narahat olmayın. 

Qarabağ erməniləri onu da bildirilər ki, həyatla risk etmək zərurəti yarananda hakimiyyətdəkilərin yadlarına düşürlər. Və bundan sonra da birlikdən, vəhdətdən danışılır "bu vətən hamımızındır, onu bir nəfər kimi qorumalıyıq" kimi şablon ifadələr işlədilir. 

Dağlıq Qarabağdakı "dördgünlük müharibə"dən sonra Qarabağ erməniləri arasında psixoloji inqilab baş verib. Onlar deyir ki, varlılar davranışlarını dəyişməsələr, hər şeyi öz mülkiyyəti saymağa davam etsələr, sadə camaat buna dözməyəcək. Partlayış olacaq. 

Sakinlərin sözlərinə görə, Dağlıq Qarabağda "dördgünlük müharibə"də əsgərin azuqəsi onlardan yığılıb. Dağlıq Qarabağda yaşayan ermənilər xunta rejiminin rəhbərinə müraciətə hazırlaşırlar. Əgər Sarkisyan onların müraciətinə məhəl qoymazsa, könüllü Azərbaycan tərəfə keçəcəklərini də bildiriblər. Həmçinin "dinc həyat naminə mübarizəyə başlayaq" devizi ilə beynəlxalq qurumlara da səsləniblər.

BAKU.WS