Prezident: "Bəzi ermənipərəst qüvvələr bizi günahlandırmağa çalışırdı, sanki biz işğalçıyıq"

Hər zaman deyirdim ki, biz heç vaxt bizim torpağımızda ikinci erməni dövlətinin yaradılmasına imkan verməyəcəyik. Deyirdim, məsələnin həlli elə olmalıdır ki, bu, yarımçıq həll olmasın.

BAKU.WS xəbər verir ki, bunu Azərbaycan prezidenti İlham Əliyev Ağdam şəhərinin baş planının təqdimatında ictimaiyyət nümayəndələri ilə görüşü zamanı bildirib.

"Məhz buna görə bizim mövqeyimiz bir çox hallarda vasitəçilər tərəfindən birmənalı qarşılanmırdı. Bəzi ermənipərəst qüvvələr bizi günahlandırmağa çalışırdılar. Sanki biz aqressoruq, sanki biz işğalçıyıq. Ona görə Ağdam rayonuna binoklla baxarkən, bax, mən bu günü görürdüm və bilirdim ki, əgər məsələ danışıqlar yolu ilə həll olunmasa, müharibə qaçılmazdır.

Xüsusilə keçən ilin iyul, avqust, sentyabr aylarında Ermənistan dövlətinin bizə qarşı hərbi təxribatları nəticəsində baş vermiş hadisələr artıq müharibəni qaçılmaz etmişdi", - deyə ölkə başçısı vurğulayıb.