Ötən həftə azad olunan ərazilərdə 84 mina zərərsizləşdirilib

Azad olunan ərazilərdə noyabrın 4-dən 10-na qədər 33 tank əleyhinə mina, 51 piyada əleyhinə mina, 185 partlamamış hərbi sursat (PHS) aşkarlanıb və zərərsizləşdirilib.

BAKU.WS-in xəbərinə görə, bu barədə Azərbaycan Minatəmizləmə Agentliyinin (ANAMA) azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumatında deyilir.

Məlumata əsasən, 545.3 hektar ərazi minalardan təmizlənib.

Qeyd edək ki, minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi (FHN) və Dövlət Sərhəd Xidməti (DSX) və dörd özəl şirkət Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan ərazilərində həyata keçirib.