Ötən gecə Moskvada son 75 ilin ən isti gecəsi olub

Rusiyanın paytaxtı Moskva şəhərində ötən gecə aprelin əvvəli üçün son 75 ilin ən isti gecəsi olub.

BAKU.WS xəbər verir ki, bu barədə Moskva Meteorologiya Bürosunun baş mütəxəssisi Tatyana Pozdnyakova öz teleqram kanalında məlumat yayıb.

Onun sözlərinə görə, havanın temperaturu +9,3°C olub. Bundan əvvəl aprelin 2-də ən isti gecə +6,3°C temperaturla 2023-cü ildə olub.

Bundan əvvəl Rusiyanın Hidrometeorologiya Mərkəzinin elmi direktoru Roman Vilfand aprelin 5-nə keçən gecə Moskvada şimal hava kütlələri səbəbindən temperaturun mənfi dəyərlərə düşəcəyi barədə xəbərdarlıq edib.