“Neftin qiymətinin artması geosiyasi gərginlik yarada bilər”

Fevral ayında çatdırılma üçün bir barrel neftin qiyməti Nyu York birjasında 3,6% və ya 2,20 dollar artaraq 63,38 dollara yüksəlib.

BAKU.WS trend-ə istinadən xəbər verir ki, neft bazarının analitiki Jozef Roçester neft bazarındakı dinamikanın İran generalının öldürülməsinin nəticəsi olduğunu deyib:

“Bu da geosiyasi gərginliyə və digər nəticələrə gətirib çıxara bilər və bu, açıq-aydın görünür. Əsas sual nəticələrin nə olacağıdır”.

CNN televiziya şirkəti qeyd edib ki, nüfuzlu İran generalının öldürülməsi Yaxın Şərqdə - əsas neft istehsal edən ölkələrin yerləşdiyi və enerji bazarının əsas yollarının keçdiyi ərazidə gərginliyi artıra bilər.