İndoneziyanın paytaxtının köçürüləcəyi yer və vaxt müəyyənləşdi

İndoneziya Prezidenti Coko Vidodonun paytaxt Cakartanın köçürüləcəyi yeri açıqlayıb.BAKU.WS “Milli Gazete”ə istinadən xəbər verir ki, onun sözlərinə görə paytaxt Yava adasından Boreno adasındakı Şərqi Kalimantan əyalətinə köçürüləcək.Vidodo bu qərarı Prezident Sarayında nazirlərlə iclasdan sonra elan edib.Prezident Şərbi Kalimantanın zəlzələ və digər təbii fəlakətlər baxımında daha az risk daşıdığını bildirib. Paytaxtın köçürülməsində digər səbəblər Cakartada əhalinin sürətlə artması, infrastrukturun inkişaf etdirilməsinə şəraitin olmaması, çirkli hava, nəqliyyatın sıxlığı və təmiz su problemidir.Yeni paytaxtın salınması üçün təxminən 33 milyard dollar xərcənəcəyi gözlənilir. İnşa işlərinə 2021-ci ildə başlanılması, bəzi strateji binaların və yaşayış məskənlərinin tikilməsindən sonra köçürülmə işləri 2024-cü ildə start veriləcək.Fərid ƏDALƏT