“İmzalanacaq sənədlər Ukrayna ilə əlaqələrimizi daha da möhkəmləndirəcək” - İlham Əliyev

“Əminəm ki, səfəriniz uğurlu olacaq və Ukrayna-Azərbaycan əlaqələrinin inkişafına təkan verəcəkdir”.

BAKU.WS xəbər verir ki, bunu Azərbaycan Prezidenti İlham Əliyev Bakıda səfərdə olan Ukrayna Prezidenti Vladimir Zelenski ilə görüşdə deyib.

İ.Əliyev qeyd edib ki, ikitərəfli gündəlik kifayət qədər genişdir:

“Bu gün həm siyasi əlaqələr, iqtisadi sahədə əməkdaşlıq, humanitar və digər sahələrdə əlaqələr müzakirə olunacaq. Əminəm ki, keçiriləcək danışıqlar və imzalanacaq sənədlər bizim əlaqələrimizi daha da möhkəmləndirəcək”.