Myanmada hərbçilər helikopterdən məktəbə atəş açdı - 6 ÖLÜ, 17 YARALI VAR

Myanmada hərbçilərin helikopterdən məktəbə atəş açması nəticəsində 6 nəfər ölüb, 17 nəfər yaralanıb.

BAKU.WS Report-a istinadən xəbər verir ki, bu barədə “The Jerusalem post” məlumat yayıb.

Qeyd edək ki, ötən il fevralın 1-də Myanmada hərbi çevriliş olub. Ölkədə fövqəladə vəziyyət elan edilib. Myanma Prezidenti Vin Mina və dövlət müşaviri Aun San Su Çji də daxil olmaqla müxtəlif mülki vəzifəli şəxslər həbs edilib.

Xatırladaq ki, 77 yaşlı siyasətçi Aun San Su Çji “Demokratiya uğrunda Milli Liqa”nın lideridir. O, 1991-ci ildə Nobel Sülh mükafatına layiq görülüb.