İlham Əliyev Filippin Prezidentini təbrik edib

Azərbaycan Prezidenti İlham Əliyev filippinli həmkarı Ferdinand Romualdez Markosu Müstəqillik Günü münasibətilə təbrik edib.

BAKU.WS-un məlumatına görə, təbrikdə deyilir:

“Hörmətli cənab Prezident.

Filippin Respublikasının milli bayramı – Müstəqillik Günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi çatdırıram.

İnanıram ki, xalqlarımızın mənafelərinə uyğun olaraq Azərbaycan-Filippin əlaqələrinin inkişafı, həm ikitərəfli, həm də çoxtərəfli müstəvidə qarşılıqlı faydalı əməkdaşlığımızın genişlənməsi istiqamətində bundan sonra da birgə səylər göstərəcəyik.

Belə bir xoş gündə Sizə möhkəm cansağlığı, xoşbəxtlik, dost Filippin xalqına əmin-amanlıq və firavanlıq arzulayıram”.