KİV: Rəfahda rabitə və internet tamamilə kəsilib

İsrail hakimiyyət orqanları Misir sərhədində, Qəzza zolağının cənubunda yerləşən Rəfahda rabitə və interneti kəsib.

Bu barədə "Tasnim" agentliyi məlumat yayıb.

Məlumata görə, rabitə və internetin kəsilməsi İsrail ordusunun artilleriya və aviazərbələri gücləndirməsi fonunda baş verib.

"Əl-Cəzirə" telekanalı isə xəbər verir ki, İsrail Müdafiə Ordusu həmçinin Rafahın cənub və qərb bölgələrində reydlər keçirir, şəhərin mərkəzindəki yaşayış evlərinə bomba zərbələri endirir və atəş açır.

Rəfahın cənubundakı İbna və Şabura qaçqın düşərgələrinə isə İsrail tankları yerləşdirilib.