Koronavirusun vurduğu ziyan - 16 trilyon dollar

Koronavirusun dünya maliyyə bazarlarına vurduğu ziyan getdikcə artır.

BAKU.WS “NTV Türkiyə”yə istinadən xəbər verir ki, virus səbəbindən ABŞ, Asiya, Avropa və digər birjalarda sərt enişlər yaşanır.

Virusun birjalara ilk təsir etdiyi 19 fevraldan bu günə qədər dünya birjalarına 16 trilyon dollar ziyan dəyib.

ABŞ birjalarında 10 faizə qədər itki yaşanıb. Bu da 1987-ci ildəki “qara bazar ertəsi”ndən sonrakı ən böyük böhrandır.

Birjalarda baş verən böhranın fonunda neftin də qiyməti 30 dollara qədər endi. Nəticədə bir çox ölkələrdə milli valyutalar ucuzlaşdı. Bu da nəticədə ticarət dövriyyələrinə ciddi ziyan vurdu.