Jalə Əhmədova federasiya prezidentliyindən İSTEFA VERDİ - İşdən çıxan digər vəzifəli şəxslərin ADLARI

Dünya Alpaqut Federasiyasının (DAF) İcraiyyə Komitəsinin üzvləri və Azərbaycan nümayəndəliyinin rəhbər şəxsləri tutduqları vəzifələrdən istefa veriblər.

BAKU.WS xəbər verir ki, bu barədə Oxu.Az-a federasiyadan məlumat verilib.

Qeyd olunub ki, Federasiyanın prezidenti Jalə Əhmədova, 1-ci vitse-prezidenti Könül Nurullayeva, vitse-prezidenti Anar Qurbanov, İctimaiyyətlə əlaqələr departamentinin rəhbəri Firuzə İskəndərova, eləcə də katibliyin rəhbəri Tünzalə Əzimova istefa verdiklərini açıqlayıblar.

Bundan başqa, DAF-ın Azərbaycan nümayəndəliyi də (prezident Fuad Quliyev, 1-ci vitse-prezident Mehman Səfərov, vitse-prezident Davud Davudov, Könüllülərlə iş departamentinin rəhbəri Jalə Məmmədova) istefa qərarı verib.

İstefaların əsas səbəbi Federasiyanın idarə olunması və inkişaf strategiyası ilə bağlı İcraiyyə Komitəsi və İdarə Heyəti arasında yaranmış ciddi fikir ayrılıqları göstərilib.

Fotoda: Jalə Əhmədova

Fotoda: Könül Nurullayeva