Hitlerin sarayında opera binası tikiləcək

Nasizm ideyasının yaradıcısı, Alman Nasional Sosialist Fəhlə Partiyasının (NSDAP) sədri Adolf Hitlerin Konqres Sarayı opera teatrı kimi istifadə olunacaq.

BAKU.WS Lenta.ru-ya istinadən xəbər verir ki, NSDAP Konqres Sarayının tikintisinə 1935-ci ildə başlanılıb.

Kompleks qranitdən hazırlanmışdır və formasına görə nəhəng tağlarla parçalanmış “at nalı”na bənzəyir. Binanın özünün hündürlüyü 80 metrə çatmalı idi. Ancaq plan baş tutmadı: möhtəşəm saray 39 metrdən yuxarı qalxmadı və damsız qaldı. 1973-cü ildən bina dövlət tərəfindən qorunur.

Bu günə qədər tikinti Almaniyada Nasional Sosializm dövründən bəri ən böyük tikintilərdən biri olaraq qalır.