Hikmət Hacıyevdən Azərbaycan və Türkiyə prezidentlərinin Ukraynadakı müharibə ilə bağlı müzakirəsinə ŞƏRH

"Dünən Azərbaycan və Türkiyə prezidentləri tərəfindən Ukrayna və Ukrayna ətrafında baş verən hadisələr barəsində də müzakirələr aparılıb. Azərbaycan və Türkiyə həmişə sülhün və barışın tərəfdarıdır".

BAKU.WS "Report"a istinadən xəbər verir ki, bunu Azərbaycanı Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "Real tv"yə müsahibəsində deyib.

Onun sözlərinə görə, dövlət başçıları da bu müharibənin dayandırılması istiqamətində beynəlxalq platformalarda və ikitərəfli əsasda olan bütün fürsətlərdən istifadə edirlər.