Haaqa tribunalı Ukraynaya hücuma görə Rusiyaya qarşı təhqiqata başladı

Haaqa Məhkəməsi Rusiyanın Ukraynaya hücumu ilə bağlı hərbi cinayətləri araşdırmağa başlayıb.

BAKU.WS UNİAN-a istinadla xəbər verir ki, bu barədə BBC məlumat yayıb.

Beynəlxalq Cinayət Məhkəməsinin hüquqi instansiyasının prokuroru Kərim Xan Rusiyanın törətdiyi mümkün hərbi cinayətlərlə bağlı araşdırmaların başlanıldığını bildirib.

Bundan əvvəl prokuror istintaqa başlamağa icazə almaq üçün məhkəmənin Prezident Şurasına müraciət etmək niyyətində olduğunu bildirsə də, 38 ölkənin tribunalına müraciəti ona dərhal işə başlamağa əsas verib.