Gəlir vergisinin 2 dəfə artırılması təklif olunur

Azərbaycanda gəlir vergisinin 2500 manatdan 5000 manata qədər artırılması təklif olunur.

BAKU.WS qafqazinfo-ya istinadən xəbər verir ki, bunu Milli Məclisin Gənclər və idman, Əmək və sosial siyasət, Aqrar siyasət, Regional məsələlər və Təbii ehtiyatlar, energetika və ekologiya komitələrinin birgə iclasında “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov bildirib.

O xatırladıb ki, gəlir vergisi hazırda dövlət və neft sektorunda çalışanlara şamil edilib:

“Qeyri-neft, qeyri-dövlət sektorunda böyük addım atılaraq sahibkarlara dəstək proqramı çərçivəsində 2026-cı ilə qədər 8 min manatadək 0 gəlir vergisi ödənilir”.

Nazir qeyd edib ki, ilkin hesablamalara görə, bu təklif qəbul edilərsə, bu dövlət büdcəsində 150 milyon manat itki ilə nəticələnəcək:

“Təxminən söhbət 40 min nəfərdən gedir. Gərək bunu dəyərləndirək”.