FHN bu rayonda 3,7 milyona yeni bina TİKDİRƏCƏK

Fövqəladə Hallar Nazirliyinin (FHN) Əsaslı Tikinti İdarəsi Füzuli rayonunda yeni inzibati binanın tikintisi ilə bağlı tender elan edib.

BAKU.WS-in əldə etdiyi məlumata görə, söhbət FHN-in Dövlət Yanğından Mühafizə Xidmətinin 4 çıxışlı Füzuli Rayon Dövlət Yanğından Mühafizə Hissəsinə aid yanğınsöndürmə depo binasından gedir.

Layihənin dəyəri təxminən 3 milyon 659 min 855 manat olaraq qiymətləndirilib.

Tikinti işləri çərçivəsində həm binanın əsas konstruksiyası, həm də istilik və elektrik avadanlıqları quraşdırılacaq. Layihə FHN-in Füzuli rayonunda təhlükəsizlik və operativ yanğınsöndürmə imkanlarını artırmaq məqsədi daşıyır.