Ermənistanda parlament binası yaxınlığında baş verən toqquşmalarda 101 nəfər xəsarət alıb

Çərşənbə günü axşam saatlarında Ermənistan parlamentinin binası yaxınlığında baş verən toqquşmalarda 101 nəfər yaralanıb.

BAKU.WS Tass-a istinadən xəbər verir ki, bu barədə Respublika Səhiyyə Nazirliyinin mətbuat xidmətindən məlumat verilib.

Bildirilib ki, yaralılar arasında etirazçılar və polis də var. 85 nəfər ilkin tibbi yardımdan sonra evə buraxılıb, qalanları xəstəxanaya yerləşdirilib.

Qeyd edək ki, çərşənbə günü axşam parlament binası qarşısında baş nazir Nikol Paşinyanın istefasını tələb edən müxalifət fəallarına qarşı toqquşmadan sonra polis səs qumbaralarından istifadə etməyə başlayıb.