Ermənistanda əsgər döyüş mövqeyində özünü öldürüb

Ermənistan ordusunun əsgəri, 19 yaşlı Erik Karsyanın ölüm səbəbi məlum olub.

BAKU.WS "Report"a istinadən xəbər verir ki, İstintaq Komitəsinin məlumatında onun intihar etməsi öz əksini tapıb.

İstintaq Komitəsi E.Qarsayanın ölüm faktı ilə bağlı cinayət işinin başlandığını elan edib.

İlkin məlumata görə, o, özünə atəş açıb. Qeyd edilir ki, Qarsayan ona təhkim edilmiş AKM avtomatından döş qəfəsi nahiyəsinə atəş açıb.

Yaralı hərbi tibb məntəqəsinə aparılıb və onun öldüyü məlum olub.

Hazırda istintaq və digər əməliyyat tədbirləri davam etdirilir.

Qeyd edək ki, bununla da avqustun 4-dən Ermənistanın qeyri-döyüş şəraitində ölən hərbçilərin sayı 4 nəfərə çatıb.