Ceyhun Bayramov İrana gedib

Azərbaycan Respublikasının xarici işlər naziri Ceyhun Bayramov rəsmi səfərlə İran İslam Respublikasına yola düşüb.

BAKU.WS xəbər verir ki, bu barədə XİN-in mətbuat xidməti tviterdə məlumat yayıb.

Səfər çərçivəsində nazir Ceyhun Bayramovun İran rəsmiləri ilə görüşlərinin keçirilməsi nəzərdə tutulub.

Qeyd edək ki, Ceyhun Bayramov səfər çərçivəsində İran Prezidenti İbrahim Rəisi, parlamentin sədri Məhəmməd Bağır Qalibaf və həmkarı Hüseyn Əmirabdullahianla görüşəcək.