Bu ölkədə nasist simvolları qadağa edilir

Avstraliya hökuməti ifrat sağçı qruplara təzyiq göstərmək məqsədilə nasist simvollarına qadağa tətbiq edəcəyini açıqlayıb.

BAKU.WS xarici KİV-ə istinadən xəbər verir ki, Svastika (qədim dini simvol) və ya SS simvollarının xalqa açıq şəkildə nümayişi bir ilə qədər həbslə cəzalandırılacaq.

Məlumata görə, yeni qanunlar nasist salamını əhatə etmir.

Nasist simvolları isə bugünədək bir çox ştatlarda qadağan olsa da, bu qərarla onlara heç bir yerdə icazə verilməyəcək. Bu addım ölkədə son aylarda ifrat sağçı fəaliyyətlərin yenidən canlanmasından sonra atılıb.