Britaniya Hərbi Dəniz Qüvvələri Yəmən sahillərində yeni insident barədə məlumat verib

Gəmi ilə bağlı insident Yəmən sahillərindən təxminən 93 km qərbdə baş verib.

BAKU.WS xəbər verir ki, bu barədə Britaniya Hərbi Dəniz Qüvvələri Komandanlığının Dəniz Ticarət Əməliyyatları İdarəsi (UKMTO) bildirib.

"UKMTO-ya Hodeydadan 50 dəniz mili (təxminən 92,6 km) qərbində baş verən insident barədə məlumat daxil olub. Səlahiyyətlilər araşdırma aparır", - mərkəzin saytında yerləşdirilən məlumatda deyilir.

Qəzza zolağında Fələstin-İsrail münaqişəsinin şiddətlənməsindən sonra Yəmənin Ənsar Allah hərəkatının husi üsyançıları İsrail ərazisinə hücumlar həyata keçirəcəklərini və əlaqəli gəmilərin Qırmızı dəniz və dəniz sularından keçməsinə icazə verməyəcəklərini açıqlayıblar.