İbrahim Kalın ABŞ-də Azərbaycan-Ermənistan normallaşma prosesini müzakirə etdi

Türkiyə Prezidentinin sözçüsü İbrahim Kalın ABŞ Prezidentinin milli təhlükəsizlik üzrə müşaviri Ceyk Sallivan və ABŞ dövlət katibinin siyasi məsələlər üzrə müavini Viktoriya Nulandla görüşüb.

BAKU.WS-in "TRT Haber"ə istinadən məlumatına görə, ABŞ-nin paytaxtı Vaşinqtonda baş tutan görüşdə ikitərəfli siyasi və iqtisadi əlaqələr müzakirə olunub.

Danışıqlar zamanı Türkiyədə baş verən zəlzələlər, müdafiə sənayesində əməkdaşlıq, enerji təhlükəsizliyi, terrorla mübarizə, İsveç və Finlandiyanın NATO-ya üzvlük prosesləri, Rusiya-Ukrayna müharibəsi, Cənubi Qafqaz və Azərbaycan-Ermənistan normallaşma prosesi ətrafında fikir mübadiləsi aparılıb.

Zəlzələ zamanı ABŞ və beynəlxalq ictimaiyyətin Türkiyəyə verdiyi dəstək və göstərdikləri həmrəylik ifadə edilib.