Bayden ilk açıqlamasında dünyaya birlik mesajı verdi

Bu gün keçirilən andiçmə mərasimindən sonra vəzifə səlahiyyətlərinin icrasına başlayan ABŞ-ın 46-cı Prezidenti Co Bayden amerikalılara müraciət edib.

BAKU.WS “Anadolu” agentliyinə istinadən xəbər verir ki, o, prezident kimi ilk açıqlamasında birlik mesajı verib.

Bayden bildirib ki, ABŞ-ın qarşılaşdığı problemlərin öhdəsindən birlik olaraq gələ bilərlər:

“Bu gün Amerikada demokratiya qalib gəldi. Mən həm məni dəstəkləyənlər, həm də dəstəkləməyənlər üçün çalışacağam.

Dünya ilə münasibətlərimizi daha da yaxşılaşdıracağıq. Bir-birimizə hörmət etməyə başlayaq. Siyasət alov olmaq məcburiyyətində deyil”.