Azərbaycanda fəaliyyət göstərən məhkəmə hakimlərinin sayı məlum oldu

Azərbaycan məhkəmə sistemində hakimlər üçün 800 ümumi ştat sayı var.

BAKU.WS-in əldə etdiyi məlumata görə, hazırda ölkədə 116 məhkəmə üzrə 617 hakim fəaliyyət göstərir.

Azərbaycanın Ali Məhkəməsində 41 hakim çalışır. Bu məhkəmə ölkənin ən yüksək instansiyasıdır və ən mürəkkəb işlər burada araşdırılır.

Apellyasiya Məhkəmələri

Apellyasiya instansiyasında isə 147 hakim çalışır. Bu məhkəmələr əsasən qərarların yenidən araşdırılması ilə məşğuldur.

Ağır Cinayətlər Məhkəmələri

Ağır cinayətlər üzrə məhkəmələrdə 54 hakim fəaliyyət göstərir. Bu məhkəmələrdə əsasən yüksək ağırlaşdırıcı xüsusiyyətlərə malik cinayət işləri baxılır.

Hərbi Məhkəmələr

Hərbi məhkəmələrdə 20 hakim var. Bu məhkəmələr hərbi sahədəki qanun pozuntuları ilə bağlı işlərə baxır.

İnzibati və Kommersiya Məhkəmələri

İnzibati məhkəmələrdə 20 hakim, kommersiya məhkəmələrində isə 38 hakim fəaliyyət göstərir. Bu instansiyalar daha çox mülki hüquqi məsələlər və iqtisadi mübahisələrin həlli ilə məşğuldur.

Rayon və Şəhər Məhkəmələri

Rayon və şəhər məhkəmələrində ən çox sayda - 296 hakim çalışır. Bu məhkəmələr ölkə vətəndaşlarının hüquqlarını qorumaq üçün ilkin instansiya rolunu oynayır.

Orxan Hüseyn