Əməkdar artist Aygün Bəylər vəfat edib - YENİLƏNİB + VİDEO

Azərbaycan Respublikasının Əməkdar artisti Aygün Hümmətova (Bəylər) Türkiyənin paytaxtı Ankara şəhərində vəfat edib.

Bu barədə Mədəniyyət Nazirliyindən məlumat verilib.

Qeyd edək ki, Mədəniyyət Nazirliyi Əməkdar artist Aygün Hümmətovanın (Bəylər) ölümü ilə bağlı yayılan xəbərləri ilk olaraq təkzib etmişdi.

***22:33

Bəzi sosial şəbəkə hesablarında Azərbaycanın Əməkdar artisti Aygün Hümmətovanın (Bəylər) vəfatı barədə xəbərlər yayılıb.

“Report” xəbər verir ki, xanəndənin sənət dostları bununla bağlı paylaşım edərək, Aygün Bəylərin vəfatından təsirləndiklərini ifadə ediblər.

Mədəniyyət Nazirlyindən "Report"a bildirilib ki, onun haqqında yayılan ölüm xəbərləri həqiqəti əks etdirmir:

"Hazırda süni tənəffüs aparatına qoşulub, saat 22:50-də Ankara-Bakı reysi ilə Vətənə gətiriləcək".

Qeyd edək ki, müğənni müalicə almaq üçün bir neçə gün əvvəl Ankaraya yollanıb.

***20:56

Əməkdar artist Aygün Bəylər vəfat edib.

Axşam.az-ın əldə etdiyi məlumata görə, o, bu gün Ankarada müalicə aldığı xəstəxanada dünyasını dəyişib.

Xəbəri onun yaxın dostu, Əməkdar artist Çingiz Əhmədov təsdiqləyib.

"Prodüseri Raminlə danışırdım, vəziyyəti yaxşı deyildi. İndi dedi ki, vəfat edib. Nəşini bu gecə Bakıya gətirəcəklər" deyə, aktyor əlavə edib.